تجربتي لنفيش Mates Popcorn

 

بالأمس وانا مار حولي بشارع بن خلدون وتحديداً عند نادي المعاقين بالصدفة شفت هالمحل هناك Mates Popcorn

 

 

الصراحة اول مرة اشوفه وتوقعت ان يكون المحل يبيع النفيش بالنكهات فنزلت ورحت المحل في البداية حسبته مسكر لاكن شفت احد يطلع من المحل فقلت خل اتليقف وادش المحل 

 

دخلت المحل ولا فعلا مثل ماتوقعت النفيش بالنكهات وحصلت صاحبة المحل موجودة وسألتها ليش المحل شكله مسكر فردت علي ان المحل ليلحين مافتح رسمي لكنهم ياخذون طلبات ومشاركين بمعارض والمحل راح يفتحونه بعد جم يوم – يعني أنا طبيت عليهم – المهم شفت انواع النفيش اللي عندهم

 

 

عندهم انواع حلوة الصراحة جربتهم كلهم واللي يميزهم ان النفيش مالهم خفيف ومو مدهن فيه زيت وايد والنكهات بعد خفيفة مو ثقيلة وتقث الواحد

 

النكهات المتوفرة عندهم :

الشيدر الأبيض , الخل والملح , الباربيكيو , الكريمة الحامضة مع البصل , الكراميل , الكراميل مع الفول السوداني , الكراميل مع اللوز 

 

وخذيتلي جم نوع منهم 

 

 

اعجبتني هالصور واهي صور المشاهير مع النفيش

 

 

في النهاية مشكورين على النفيش الحلو 

وبالتوفيق

 

Tel: 22621201

Twitter: @MatesPopcorn